ქართული ოცნების დეპუტატის, არჩილ თალაკვაძის განცხადებით, თუ სტრატეგია აღმაშენებლის ლიდერს, გიორგი ვაშაძეს მისი რომელიმე ჰალსტუხი მოეწონა, შუეძლია გაუგზავნოს. ამის შესახებ მან პალიტრანიუსის ეთერში ისაუბრა.

"ეს კომენტარი არ ეხებოდა მოლაპარაკებებს, ჯერ ერთი. მან ეს თქვა პრეზიდენტთან გამართულ ვახშამზე, სადაც მინდა გითხრათ, რომ კოვიდპანდემიის გამო ჩვენ საკმაოდ დისტანციით ვისხედით ერთმანეთთან და სიტყვა კინაღამ კიდევ ერთხელ ადასტურებს თუ რამდენად სწორია ეს ინფორმაცია.

მინდა დაგიდასტუროთ, რომ ის მართლაც განიცდიდა და ნერვიულობდა ძალიან ნიკანორ მელიასთან დაკავშირებით, მათ შორის, თავის ოპოზიციონერ კოლეგებთან ჰქონდა კამათი და დაამშვიდეს. სხვა ამის იქეთ პროცესი არ წასულა. თუ რომელიმე ჰალსტუხი მოეწონა, მე შემიძლია ეს გავუგზავნო, ნამდვილად არ არის მაგის პრობლემა. რომელი ჰალსტუხიც მოეწონება აუცილებლად გავუგზავნი", — თქვა მან.

23 აპრილს სტრატეგია აღმაშენებლის ლიდერმა, გიორგი ვაშაძემ თქვა, რომ პრეზიდენტის სასახლეში ქართულ ოცნებასთან შეხვედრა იმდენად დაძაბული იყო, რომ თალაკვაძეს "კინაღამ ჰალსტუხი მოახია".