ოპოზიციამ ამნიისტიის კანონპროექტი დაარეგისტრირა. დოკუმენტი პარლამენტში დეპუტატმა შალვა შავგულიძემ მიიტანა.

"ახლა ჩვენ შევიტანეთ ამნისტიის შესახებ კანონპროექტის ჩვენეული ვარიანტი. ძალიან დიდი მცდელობა გქვოდნა, რომ მოხერხებულიყო და ხელისუფლებასთან ერთი კანონპროექტი შეჯერებულიყო, მაგრამ საწმუხაროდ, ვერ შევაჯერეთ. როგორც იცით, ხელისუფლებამ თავისი ვარიანტი გუშინ დაარეგისტრირა, ხოლო ჩვენ წარვადგინეთ დღეს.

ჩვენი კანონპროექტი შეეხება არსებულ ბრალდებებს. იმ მოვლენების დროს რა ბრალდებებიც აქვთ წარდგენილი პოლიციის თანამშრომლებს, მათი ქმედებებია ამნისტირებული და აქციის მონაწილეებსაც რა ბრალი აქვთ წაყენებული, მათი ქმედებებია. ხოლო ხელისუფლების კანონპროექტი შეეხება არა კონკრეტულ ნორმებს, რომლებითაც დევნა მიმდინარეობდა ამ ორი წლის მანძილზე, არამედ ჰიპოტეტურად, ამ მოვლენებთან დაკავშირებულ უკვე არსებულ ბრალდებებს და ასევე, ჰიპოტეტურად, მომავალში შესაძლო ყველა ბრალდებას, რაც მიგვაჩნია, რომ არის ძალიან გაუმართლებელი", — თქვა მან.

28 აპრილს ქართული ოცნებისა და ოპოზიციის შეხვედრის შემდეგ გადაწყდა, რომ ამნისტიის კანონპროექტის ორი ვერსია დარეგისტრირდებოდა. ოპოზიციის ლიდერების განცხადებით, მათ ვერსიაში საუბარია დაზარალებულის ნების გათვალისწინებაზე, ქართული ოცნებისაში კი — არა.