ექსპრეზიდენტი მიხეილ სააკაშვილი ფიქრობს, რომ პოლიტიკური სიტუაციიის სრული ნორმალიზებისთვის, საჭიროა 3 პირობის შესრულება, რომელთაგანაც ერთ-ერთი მისთვის საქართველოში შემოსვლის უფლების მიცემაა. ამავდროულად, ის კიდევ ერთხელ დებს ჩამოსვლის პირობას და ამბობს, რომ "რაც არ უნდა იყოს, ყველა შემთხევევაში" ჩამოვა.

"პარლამენტში რამდენიმე ოპოზიციური პარტიის წარმომადგენელბისა და ინდივიდუალური დეპუტატების შესვლა, იმ ფონზე, როცა ქვეყანაში ჯერ კრიზისი არ არის გადალახული, ბევრ რამეზე დაფიქრების საშუალებას იძლევა. პირველ რიგში, იმისათვის, რომ მოხდეს მართლაც განმუხტვა პოლიტიკური კრიზისის, რაც მოგვცემს საშუალებას, გადავლახოთ უმძმესი სოციალური, ეკონომიკური და ჯანდაცვის კრიზისი.

საჭიროა, სრული ნორმალიზაცია პოლიტიკური ურთიერთობების. ამისათვის ძალიან მნიშვნელოვანია, რომ ნიკა მელია, ენმ-ს თავმჯდომარე დაუყოვნებლივ იქნას განთავისუფლებული, ყოველგვარი დამამცირებელი პირობების გარეშე, იმ მოთხოვნებით, რომელიც მან წამოაყენა, რომელიც არის კანონიერი და ბოლომდე დასაბუთებული.

მეორე, უნდა შეწყდეს პოლიტიკური დევნა უამრავი ადამიანის, მაგალითად, ნამახვანის აქციაზე დაკავებული აჭარელი და სხვა აქტივისტების, იგივე გიორგი მუმლაძის, უამრავი სხვა ადამიანის, რომელიც არის ამ დევნის ობიექტი, არამხოლოდ ბოლო წლებში, არამედ მრავალი წლის განმავლობაში. [...]

მესამე, მე უნდა მომეცეს საშუალება, თავისუფლად ჩამოვდიოდე ჩემს ქვეყანაში და მქონდეს ურთიერთობა ჩვენს მხარდამჭერებთან, ჩვენს ამომრჩეველთან და ქართულ საზოგადოებასთან. სრული ნორმალიზაციისთვის არის ეს ნაბიჯები გადასადგმელი", — განაცხადა მან ვიდეომიმართვაში.

ის მოუწოდებს პოლიტიკურ პარტიებს, დადგნენ ვიწროპარტიულ ინტერესებზე მაღლა და იქვე ამატებს:

"ნუ ჩათვლით, რომ სააკაშვილი თუ ვერ შემოდის ქვეყანაში, ეს თქვენ გიადვილებთ სიტუაციას, არ უადვილებს, პირიქიით გვიძნელებს. მე მინდა, თქვენთან ერთად გადავლახო".