უკრაინის პრეზიდენტმა, ვოლოდიმირ ზელენსკიმ საკუთარ ადმინისტრაციას დაავალა, რომ რუსეთის პრეზიდენტთან შეხვედრა შეათანხმოს. ინფორმაციას გამოცემა UNIAN ავრცელებს.

"მე მართლაც შევთავაზე შეხვედრა დონბასში. პრეზიდენტმა პუტინმა დაადასტურა შეხვედრის სურვილი, თუმცა მოსკოვი შემოგვთავაზა. დავალება მივეცი პრეზიდენტის ოფისის ხელმძღვანელს, რათა ის დაუკავშირდენს პრეზიდენტ პუტინის ადმინისტრაციას, შეთანხმდნენ, მოიძიონ ადგილი ან ქალაქი, სადაც შეგვეძლება შეხვედრა", — თქვა ზელენსკიმ.

უკრაინის საზღვრებთან რუსული ჯარების მობილიზების ფონზე ზელენსკიმ პუტინს დონბასში შეხვედრა 20 აპრილს ვიდეომიმართვისას შესთავაზა. პუტინმა მზაობა გამოთქვა, თუმცა შეხვედრის ადგილად მოსკოვი დაასახელა. რა პასუხი აქვს კრემლს ზელენსკის ბოლო განცხადებაზე ჯერჯერობით უცნობია.