დღევანდელი ვაჭრობის შედეგად, ლარი დოლართან მიმართებით უმნიშვნელოდ გაუფასურდა, ხოლო ევროსთან მცირედით გამყარდა.

დღეს დადგენილი კურსის მიხედვით, ერთი დოლარის ღირებულება 3,4464 ლარი გახდა, რაც 0,02 თეთრით გაუფასურებას ნიშნავს. ევროსთან მიმართებით კი, ეროვნული ვალუტა 0,01 თეთრით გამყარდა და ერთი ევრო 4,1529 ლარს გაუტოლდა.

აღსანიშნავია, რომ წლის დასაწყისში არსებულ კურსთან შედარებით, ლარი დოლართან მიმართებით 17 თეთრით, ხოლო ევროსთან — 13 თეთრით არის გაუფასურებული.

ლარის კურსის მერყეობის შესამცირებლად, საქართველოს ეროვნულმა ბანკმა მიმდინარე წელს შვიდი სავალუტო ინტერვენცია განახორციელა და ჯამურად 242,9 მლნ დოლარი გაყიდა. მათ შორის, ბოლო სავალუტო აუქციონი გუშინ, 22 აპრილს შედგა, სადაც ეროვნული ბანკმა 30 მილიონი დოლარი გაიყიდა.

სებ-ის მიერ დღეს დადგენილი გაცვლითი კურსი ხვალ, 24 აპრილს შევა ძალაში.