ლორეინ და ედ უორენები ბოროტ ძალასთან ბრძოლას აგრძელებენ.

საშინელებათა ჟანრის ფილმების სერიის ახალი ნაწილი The Conjuring: The Devil Made Me Do It (წყევლა: ეშმაკმა მაიძულა ამის გაკეთება) ნამდვილი ისტორიის შესახებ მოგვითხრობს, რომლის მიხედვითაც, მკვლელობაში ბრალდებული ერნი ჯონსონი ამტკიცებდა, რომ ის დემონური გავლენის მსხვერპლი იყო.

სულ ცოტა ხნის წინ გავრცელებული პირველი ტრეილერით თუ ვიმსჯელებთ, საქმე ნამდვილად საშიშ და შემაძრწუნებელ ამბავთან გვაქვს:

შენიშნავდით, რომ მთავარ როლებს კვლავ მაყურებლების კარგად ნაცნობი მსახიობები — ვერა ფარმიგა და პატრიკ უილსონი ასრულებენ. ფილმის შექმნაზე კი ჯეიმს ვანმა იმუშავა, რომელიც ასევე წინა ორი ნაწილის შემოქმედია.

ტრეილერში ვხვდებით ერთგვარ მინიშნებასაც, რომ შესაძლოა, ეს ფილმი იყოს წყევლის ფრენჩაიზის ბოლო ნაწილი. წინა ორი ფილმი კინოგაქირავებაში წარმატებული აღმოჩნდა (შემოსავლებმა $600 მილიონს გადააჭარბა) და მაყურებლების მოწონებაც დაიმსახურა: ბოლო წლების ერთ-ერთი ყველაზე პოპულარული საშინელება ჟანრის ფილმებია.

ისღა დაგვრჩენია, პრემიერის თარიღს, 4 ივნისს დაველოდოთ და ვნახოთ, მართლა ისეთი მასშტაბური და საშიშია თუ არა, როგორც ამას მისი შემქმნელები გვპირდებიან.