კონგოს ხელისუფლებამ განაცხადა, რომ წელს დაგეგმილი არჩევნები შესაძლოა არ ჩატარდეს.

რატომ? მიზეზი მარტივია. როგორც მთავრობა აცხადებს, არჩევნები ძალიან ძვირი ჯდება.

"რთულად წარმოსადგენია, რომ ჩვენი მთავრობა შეძლებს 1,8$ მილიარდის მობილიზებას მიმდინარე წელს. ამას სრულიად გულწრფელად ვამბობ", - აცხადებს კონგოს ფინანსთა მინისტრი.

კონგოს ხელისუფლების მიერ გამოცხადებული საარჩევნო თანხა ამერიკის 2016 წლის საპრეზიდენტო არჩევნების 2/3-ს შეადგენს. კონგოში 30 მილიონამდე ამომრჩევლის რეგისტრაციაა საჭირო, რასაც მთავრობა 2018 წლისთვის გეგმავს.

შეგახსენებთ, რომ კონგოს რესპუბლიკის პრეზიდენტი ჯოზეფ კაბილა 2001 წლიდან უძღვება ქვეყანას. კონგოს კონსტიტუციით, პრეზიდენტის არჩევა მესამე ვადითაც შეიძლება. მისი მმართველობით ხალხი უკმაყოფილოა. მათ სურთ, რომ ქვეყანა ახალმა ლიდერმა ჩაიბაროს, თუმცა კაბილა არჩევნებამდე პოსტის დატოვებას არ აპირებს და როგორც ჩანს, არც არჩევნების ჩატარებას გეგმავს დათქმულ დროს.