ეროვნული ბანკის მიერ დღეს დადგენილი კურსის მიხედვით, ლარი დოლართან მიმართებით კვლავ გაუფასურდა.

დღევანდელი ვაჭრობის შედეგად მიღებული კურსი აჩვენებს, რომ ერთი დოლარის ღირებულება 3,4521 ლარი გახდა, რაც 0,22 თეთრით გაუფასურებას ნიშნავს.

რაც შეეხება ევროს, მასთან მიმართებით ეროვნული ვალუტა 1,43 თეთრით გამყარდა და ერთი ევრო 4,1442 ლარს გაუტოლდა.

აღსანიშნავია, რომ წლის დასაწყისში არსებულ კურსთან შედარებით, ლარი დოლართან მიმართებით 17,55 თეთრით, ხოლო ევროსთან — 12,09 თეთრით არის გაუფასურებული.

ლარის კურსის დასტაბილურების მიზნით, საქართველოს ეროვნულმა ბანკმა მიმდინარე წელს ექვსი სავალუტო ინტერვენცია განახორციელა და ჯამურად 212,9 მლნ დოლარი გაყიდა. მათ შორის, ბოლო სავალუტო აუქციონი 15 აპრილს შედგა, სადაც ეროვნული ბანკის მიერ გამოტანილი 40 მილიონი დოლარიდან 25,4 მილიონი დოლარი გაიყიდა. 31 მარტის მდგომარეობით, ეროვნული ბანკის რეზერვების საერთო მოცულობა 4,1 მილიარდი დოლარია.

სებ-ის მიერ დღეს დადგენილი გაცვლითი კურსი ხვალ, 22 აპრილს შევა ძალაში.