2017 წლის იანვარში, წინა წლის იმავე პერიოდთან შედარებით, სამრეწველო პროდუქციის მწარმოებელთა ფასების ინდექსი 9,8 პროცენტით გაიზარდა, 2016 წლის დეკემბერთან შედარებით კი - 2,3 პროცენტით. მონაცემები საქსტატმა გამოაქვეყნა.

2017 წლის იანვარში წინა თვესთან შედარებით ფასები გაიზარდა გადამამუშავებელი მრეწველობის პროდუქციაზე 1,1 პროცენტით, ლითონებსა და ლითონის მზა ნაწარმზე (2,9 პროცენტი) და კვების პროდუქტებზე, სასმელებსა და თამბაქოს ნაწარმზე (0,5 პროცენტი).

12-თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ პროდუქტებზე:

  • გადამამუშავებელი მრეწველობის პროდუქცია: ფასები გაიზარდა 8,8 პროცენტით;
  • ელექტროენერგია, აირი, ორთქლი და ცხელი წყალი: ფასები გაიზარდა 10,9 პროცენტით;
  • სამთომოპოვებითი მრეწველობისა და კარიერების დამუშავების პროდუქცია: ფასები გაიზარდა 25,7 პროცენტით.