თიბისი კონცეპტი მარჯანიშვილის 7-ში, ისტორიულ შენობაში, მსგავსი ტიპის პირველ, სრულიად განსხვავებულ სივრცეს სთავაზობს მომხმარებელს. მულტიფუნქციური სივრცე, მარჯანიშვილის 7-ში, ბრენდის ისტორიასა და ღირებულებების შესახებ მოგვითხრობს. ახალი სივრცე სტუმრებს უნიკალურ გამოცდილებას, შესაძლებლობებსა და აღმოჩენებს სთავაზობს.

აქ მოსული ადამიანებისათვის ხელმისაწვდომია საუკეთესო პერსონალური საბანკო მომსახურება და ყველა ის დამატებითი ბენეფიტი, რომელსაც თიბისი მომხმარებლებს უკვე ბევრი წელია სთავაზობს.

მარჯანიშვილის შვიდში თიბისი კონცეპტი მუდმივად მასპინძლობს განსხვავებული ხასიათის ღონისძიებებს, გამოფენებსა და შეხვედრებს სხვადასხვა სფეროს წარმომადგენლებთან — ადამიანებთან, რომელთა გამოცდილებაც, აქ მოსული ვიზიტორებისთვის, შესაძლოა, პროფესიული წინსვლისა და ახალი აღმოჩენების ბიძგი გახდეს.

ქალაქის ცენტრალური შენობა ათწლეულების განმავლობაში ადამიანების შეხვედრისა და თანამშრომლობის გამორჩეული ადგილი იყო. სწორედ ამ შთაგონებით, ისტორიული მემკვიდრეობა ბრიტანულ საცალო დიზაინერულ სააგენტოსთან — Sheridan & Co-სთან ერთად, ახალი კონცეფციით გაცოცხლდა.

თიბისი კონცეპტის მრავალფეროვნებასა და მომსახურებას, განსხვავებული ინტერესებისა და საჭიროებების მქონე ადამიანები, შენობის 4 სართულზე გადანაწილებულ 11 ქვესივრცეში გაეცნობიან.

ბიბლიოთეკა

მრგვალი დარბაზის ბიბლიოთეკის დიზაინი ძველისა და ახლის თანაკვეთაა, ის განსაკუთრებული სიმყუდროვით გამოირჩევა და ახალი აღმოჩენებისკენ გიბიძგებთ. აქ მრავალ საინტერესო, იშვიათ წიგნს აღმოაჩენთ ბიზნესის მენეჯმენტის, კულტურისა თუ ინოვაციების შესახებ.

საგამოფენო სივრცეები

სამი გალერეა თიბისის იმ ისტორიული მემკვიდრეობის გაგრძელებაა, რომლის ფარგლებშიც თიბისი წლებია ხელოვნებასა და ხელოვანებს უჭერს მხარს. საგამოფენო სივრცეები კარგად ნაცნობი არტისტების გამოფენებითაც გიმასპინძლებთ. აქვე გაეცნობით დამწყებ ხელოვანებს და მათ პროექტებს.

საბანკო სივრცე

საბანკო სივრცეში შეგიძლიათ საუკეთესო პერსონალური საბანკო მომსახურება მიიღოთ და თქვენთვის მნიშვნელოვან ფინანსურ საკითხებზე კონსულტაციები გაიაროთ.

კაფე

კაფის კონცეფცია, მყუდრო გარემო, სწრაფი და ამავდროულად ჯანსაღი კერძების მენიუ სპეციალურად ბიზნეს შეხვედრებზეა მორგებული.

სამუშაო სივრცე

სამუშაო სივრცე საუკეთესო გარემოა, როგორც დამოუკიდებლად მუშაობისთვის, ასევე ახალ ადამიანებთან შესახვედრად და იდეების გასაზიარებლად. შესვენების დროს შეგიძლიათ საგამოფენო სივრცეებსა თუ ბიბლიოთეკაში საინტერესო აღმოჩენები გააკეთოთ.

კოლექცია

მუზეუმის მაღაზიის კონცეფციით შექმნილ საკოლექციო სივრცეში სპეციალური კოლექციებიდან შერჩეულ, საინტერესო დიზაინის ნივთებს აღმოაჩენთ. მაღაზიას მომავალში ქართული ბრენდების ნაწარმიც დაემატება.