ქართული ოცნების თავმჯდომარის, არჩილ თალაკვაძის განცხადებით, ძალია ცუდი იყო ფორმა, რა ფორმითაც თანაგუნდელებმა საპარლამენტო უმრავლესობა დატოვეს. მისივე თქმით, ასეთი ფორმებით პოლიტიკაში წარმატების მიღწევა ვერ ხდება.

"ფორმა, რა ფორმითაც მათ დატოვეს საპარლამენტო უმრავლესობა იყო ძალიან ცუდი და მძიმედ შესაფასებელი სხვადასხვა მიზეზის გამო. მათ შორის იმის გამო, რომ წინასწარ არავისთვის ინფორმაციაც კი არ მიუწოდებიათ ამასთან დაკავშირებით. წინასწარ ისინი ცდილობდნენ უმრავლესობის გარკვეული წევრების გადაბირებას. ეს არ არის სწორი საქციელი და როდესაც ასეთი ქცევით იწყებ, ბუნებრივია, ამას ექნება შესაბამისი გაგრძელება. ასეთი ფორმებით პოლიტიკაში წარმატებას ვერ მიაღწევ", — განაცხადა კობახიძემ იმედის ეთერში.

14 აპრილს ცნობილი გახდა, რომ ქართული ოცნების 6 დეპუტატი მმართველ პარტიას ტოვებს და გახარიას უერთდება. "ოცნებიდან" მიდიან: გიორგი ხოჯევანიშვილი, მიხეილ დაუშვილი, ანა ბუჩუკური, ალექსანდრე მოწერელია, ბექა ლილუაშვილი და შალვა კერესელიძე. მათი თქმით, გადადიან გახარიას "პარტიის მშენებლობის ახალ ეტაპზე" და დასძინეს, რომ საქმიანობას გააგრძელებენ, როგორ დამოუკიდებელი დეპუტატები.