წელს საქართველომ ევროპის გოგონათა მეათე მათემატიკური ოლიმპიადას (EGMO 2021) უმასპინძლა. დისტანციური ოლიმპიადა აკაკი წერეთლის სახელმწიფო უნივერისტეტში ჩატარდა და მასში 54 ქვეყნის 213 წარმომადგენელი მონაწილეობდა.

ოლიმპიადაზე ვლადიმირ კომაროვის თბილისის ფიზიკა-მათემატიკის #199 საჯარო სკოლის მე-12 კლასის მოსწავლე ანა ონოფრიშვილმა ოქროს მედალი მოიპოვა.

საქართველოს გოგონათა ნაკრები ოლიმპიადაში 2016 წლიდან იღებს მონაწილეობას და საკმაოდ კარგ შედეგებს აჩვენებს. საქართველოს განათლებისა და მეცნიერების სამინისტრო სიხარულით აღნიშნავს იმ ფაქტსაც, რომ რომ წელს ქუთაისის აკაკი წერეთლის სახელმწიფო უნივერსიტეტმა მიიღო უფლება, ამ მნიშვნელოვანი ოლიმპიადისთვის ემასპინძლა.

ოლიმპიადაში მონაწილე 54 ქვეყანა ყველაზე მაღალი მაჩვენებელია EGMO-ს ისტორიაში. საქართველო, როგორც მასპინძელი ქვეყანა, ოლიმპიადაზე ორი გუნდის რვა წევრით იყო წარმოდგენილი. ოლიმპიადის მონაწილე გოგონებიდან თხუთმეტმა ოქროს, ოცდასამმა – ვერცხლის, ხოლო ოცდათხუთმეტმა – ბრინჯაოს მედალი მოიპოვა.