10 ცნობილი ადამიანი, რომელიც ფსიქიკურ ჯანმრთელობაზე ღიად საუბრობს
მიუხედავად იმისა, რომ ადამიანის ფსიქიკასთან დაკავშირებული პრობლემები ისეთივე ბუნებრივი და ჩვეულებრივია, როგორც ჯანმრთელობის სხვა გართულებები, რომლებსაც ზრუნვა, ექიმის ზედამხედველობა და მკურნალობა სჭირდება, მენტალურ ჯანმრთელობაზე საუბარი დღემდე მთელ მსოფლიოში უმეტესად მაინც ტაბუირებულია.
არაერთი კვლევა ცხადყოფს, რომ მსგავსი დამოკიდებულება უამრავ ადამიანს უშლის ხელს, თავის პრობლემებზე ღიად ისაუბროს, დახმარება ითხოვოს და ფსიქოლოგისა თუ სპეციალისტის პროფესიული მომსახურებით ისარგებლოს.
საბედნიეროდ, ბოლო პერიოდში ამ საკითხზე სულ უფრო მეტი ადამიანი ღიად აფიქსირებს თავის მოსაზრებას და სხვებს საკუთარ გამოცდილებას უზიარებს, მათ შორის ცნობილი სახეებიც, რაც მენტალური ჯანმრთელობის შესახებ სტიგმის დამარცხებას უწყობს ხელს.
ახლა სწორედ ასეთ რამდენიმე შემთხვევას გაგიზიარებთ, როცა ვარსკვლავებმა პირად გამოცდილებაზე საჯაროდ ისაუბრეს.
1. კრის ევანსი
თვით კაპიტან ამერიკასაც არ უჭირს, რომ საკუთარ ფსიქიკურ ჯანმრთელობაზე ღიად ილაპარაკოს: 2016 წელს Rolling Stone-თან მიცემულ ინტერვიუში კრის ევანსმა განაცხადა, რომ პრემიერების დროს ხშირად პანიკური შეტევები ემართება — ბევრ ადამიანში გამოჩენა მას შფოთვას უჩენს. ამასთან საბრძოლველად მსახიობმა მედიტაციიდან დაწყებული, ბუდისტური ტექსტების კითხვით დასრულებული, ყველაფერი სცადა და გარკვეულ პროგრესსაც მიაღწია, თუმცა როგორც თავად ამბობს, კრიტიკული მომენტები ხანდახან მაინც ახსენებს თავს.
2. რაიან რეინოლდსი
რაიან რეინოლდსის შემთხვევა კიდევ ერთხელ გვარწმუნებს, თუ რა ძალა აქვს ძვირფასი ადამიანის გვერდში დგომას: მისმა ცოლმა, ბლეიკ ლაივლიმ ის არა მხოლოდ იმაში დაარწმუნა, რომ დედპულის როლს უნდა დასთანხმებოდა, არამედ ამ დიდი გამოწვევის გამო გაჩენილი შფოთვის დამარცხებაშიც დაეხმარა.
მსახიობმა 2017 წელს ინტერვიუში განაცხადა, რომ დედპულის გადაღებების პროცესში საერთოდ აღარ ეძინა და მთელი ღამე სცენარს კითხულობდა, რადგან ეშინოდა, რომ კომიქსის ფანებს გულს დასწყვეტდა. თუმცა მას პარტნიორი დაეხმარა, რომ მძიმე პერიოდი გადაეგორებინა და თვითრწმენა დაებრუნებინა.
3. კარა დელევინი
თანამედროვე მოდის სამყაროში ერთ-ერთმა ყველაზე ცნობილმა და პოპულარულმა მოდელმა, კარა დელევინმა განაცხადა, რომ მოზარდობის ასაკში დეპრესიით იტანჯებოდა, რის გამოც დამატებით კიდევ თავს დამნაშავედ თვლიდა. თუმცა, როგორც კი გააცნობიერა, რომ ერთადერთი ადამიანი არ იყო, ვისაც მსგავსი პრობლემა აწუხებდა, უფრო მარტივად გაუმკლავდა ამ გამოწვევას.
"თუ საკუთარ თავს შეიყვარებ, ყურადღებას არ მიაქცევ, თუ რას ფიქრობენ სხვები შენზე და უბრალოდ ოცნებებს გაჰყევი, ნებისმიერი რამის მიღწევას შეძლებ. ჩემი გამოცდილების შესახებ განსაკუთრებით მინდა, რომ თინეიჯერებმა იცოდნენ: არა იმიტომ, რომ მე უნდა მომბაძონ, არამედ უბრალოდ მინდა იცოდნენ, რომ ის მძიმე პერიოდი გადავლახე და ეს მართლა შესაძლებელია", — თქვა დელევინომ.
4. ემა სტოუნი
"ძალიან, ძალიან, ძალიან მშფოთვარე ბავშვი ვიყავი და ხშირად მემართებოდა პანიკური შეტევები", — განაცხადა ემა სტოუნმა. მსახიობის თქმით, 9 წლის ასაკში თავისი შფოთვის სახით "პატარა მწვანე მონსტრიც" დახატა. "როცა ამ მონსტრს ვუსმენდი, ეს მანადგურებდა", — იხსენებს სტოუნი. ამ ოსკაროსან კინოხელოვანს მენტალურ პრობლემებთან გამკლავებაში ფსიქოთერაპია და მსახიობობა დაეხმარა.
5. ჯონ ჰემი
საკულტო სერიალის Mad Men მსახიობმა, რომელიც ქრონიკულ დეპრესიას ებრძოდა, ღიად ისაუბრა, თუ რა დიდი მნიშვნელობა აქვს დროულად დახმარების თხოვნას: "მკურნალობა მკურნალობაა და არ აქვს მნიშვნელობა, ეს იდაყვს, კბილს თუ ტვინს სჭირდება. ისეთ სამყაროში ვცხოვრობთ, სადაც საკუთარ თავზე ნებისმიერი უარყოფითი ინფორმაციის განდობა სისუსტედ ითვლება, როცა სინამდვილეში, ის სიძლიერე უფროა. იმის თქმა, რომ დახმარება გჭირდება, სისუსტის გამოვლენა სულაც არაა. შორეულ პერსპექტივაში ეს საუკეთესო გამოსავალია, რადგან მალე შეძლებ მდგომარეობის გაუმჯობესებას".
6. ლედი გაგა
2014 წელს ლედი გაგამ საჯაროდ განაცხადა, რომ 19 წლის ასაკში გააუპატიურეს, რამაც მასზე წარუშლელი კვალი დატოვა და დღემდე პოსტტრავმული სტრესით იტანჯება. მოგვიანებით მან იმაზეც ისაუბრა, რომ კლინიკური დეპრესიის დიაგნოზით ცხოვრობს: "მაქვს კარგი დღეები და მაქვს ცუდი დღეებიც". მომღერალი მენტალური ჯანმრთელობის საკითხებს ყოველთვის დიდ ყურადღებას აქცევს: ჯერჯერობით ბოლო ალბომი Chromatica სწორედ თავის ამ საკმაოდ მძიმე გამოცდილებას მიუძღვნა, მათ შორის სიმღერა 911, რომლის ვიდეოკლიპიც სერგო ფარაჯანოვის ფილმების გავლენით შეიქმნა.
7. ბილი აილიში
ბილი აილიშის შემოქმედების მსმენელებისთვის უცხო არ იქნება მისი ამ სიაში ხილვა: მუსიკოსი თავის სიმღერებში ისედაც ხშირად ახსენებს მენტალურ პრობლემებთან დაკავშირებულ თემებს. "უნდა შეგეძლოს, ნებისმიერს სთხოვო დახმარება და სანაცვლოდ ყველას უნდა გავუწოდოთ დახმარების ხელი, ვისაც ეს სჭირდება", — განაცხადა მომღერალმა.
8. სოფი ტერნერი
Game of Throne-ის მსახიობის თქმით, სხვადასხვა დროს კვებითი აშლილობით, დეპრესიითა და შფოთვით იტანჯებოდა.
"ახალგაზრდა ასაკში საკუთარ სხეულს გაფაციცებული შევისწავლიდი. ეს უბრალოდ აკვიატება იყო, რომელსაც ვერაფერს ვუხერხებდი. კალორიებს ვითვლიდი და ვშიმშილობდი", — განაცხადა მსახიობმა ერთ-ერთ ინტერვიუში. მისი თქმით, ამ მდგომარეობიდან გამოსვლაში თერაპია დაეხმარა და ახლა გაცილებით მეტად უყვარს საკუთარი სხეული და თავდაჯერებაც მოემატა.
9. ჯოან როულინგი
შესაძლოა, ჯოან როულინგი მსოფლიოში ყველაზე ცნობილი ცოცხალი მწერალია, თუმცა მასაც ედგა ცხოვრებაში ისეთი მძიმე პერიოდი, როცა თვითმკვლელობაზე ფიქრობდა. ჰარი პოტერის ავტორი არ მიიჩნევს, რომ ამ განცდების გამო უნდა რცხვენოდეს: "რა არის სათაკილო? ძალიან რთული დრო მედგა და ამაყი ვარ, რომ ამას გავუძელი", — განაცხადა მან 2008 წელს. ეს გავლენიანი ბრიტანელი მწერალი ამავდროულად ობსესიურ-კომპულსურიი აშლილობის დიაგნოზს ებრძვის, რაც თავის ერთ-ერთ წიგნში The Casual Vacancy აღწერა კიდეც.
10. პრინცი ჰარი
"ახლა უკვე თამამად შემიძლია ვთქვა, რომ 12 წლის ასაკში დედის დაკარგვის გამო ჩემში ყველა ემოცია ჩავახშვე და ასე გრძელდებოდა დაახლოებით ოცი წლის განმავლობაში, რამაც დიდი გავლენა იქონია არა მხოლოდ ჩემს პირად ცხოვრებაზე, არამედ სამუშაოზეც. ამ მდგომარეობას კი ქვიშაში თავის ჩარგვით ვუმკლავდები და ვცდილობდი, დედაზე საერთოდ აღარ მეფიქრა", — ისაუბრა ბრიტანეთის სამეფო ოჯახის წარმომადგენელმა The Telegraph-თან ინტერვიუში 2017 წელს.
როგორც პრინცი ჰარიმ განაცხადა, ნელ-ნელა გაუსწორა თვალი საკუთარ პრობლემას და ასე მისი დამარცხებაც დაიწყო: "ჩემი გამოცდილებით, როგორც კი ამაზე საუბარს დაიწყებ, მაშინვე აღმოაჩენ, რომ საკმაოდ დიდი კლუბის წევრი ხარ".
Responsible.ge ევროპაბეთის პლატფორმაა, რომელიც საზოგადოებაში აზარტული თამაშების შესახებ ცნობიერების ამაღლებასა და პასუხისმგებლიანი თამაშის პოპულარიზაციას ემსახურება. ამასთანავე, პლატფორმის დახმარებით, შეგიძლიათ, გაეცნოთ პასუხისმგებლიანი თამაშის ხელსაწყოებსა და ანგარიშებს, ასევე ინფორმაციას ევროპაბეთის პასუხისმგებლობის შესახებ საზოგადოების მიმართ, ბიზნესსა და კომუნიკაციაში.
-
გადახედვაშინაგან საქმეთა სამინისტროს განცხადებით, აქციებს საერთაშორისო სტანდარტებით შლიან შინაგან საქმეთა სამინისტროს განცხადებით, აქციებს საერთაშორისო სტანდარტებით შლიან
-
გადახედვა"გავათენოთ საქართველოსთვის" — 12 მაისის ღამეს აქცია დაიგეგმა "გავათენოთ საქართველოსთვის" — 12 მაისის ღამეს აქცია დაიგეგმა
-
გადახედვალადო აფხაზავაზე თავდასხმის ფაქტზე, ერთ პირს ბრალდება წარედგინა ლადო აფხაზავაზე თავდასხმის ფაქტზე, ერთ პირს ბრალდება წარედგინა
-
გადახედვაკასპში, მდინარემ გაიტაცა მანქანა, რომელშიც სამი ადამიანი იმყოფებოდა, ერთ-ერთი მათგანი გარდაცვლილი იპოვეს კასპში, მდინარემ გაიტაცა მანქანა, რომელშიც სამი ადამიანი იმყოფებოდა, ერთ-ერთი მათგანი გარდაცვლილი იპოვეს
-
გადახედვაშაბათს, 11 მაისს, ევროპის მარში გაიმართება, მოქალაქეები ევროპის მოედნისკენ სამი ადგილიდან დაიძვრებიან — დეტალები შაბათს, 11 მაისს, ევროპის მარში გაიმართება, მოქალაქეები ევროპის მოედნისკენ სამი ადგილიდან დაიძვრებიან — დეტალები
-
გადახედვაირაკლი ეძგვერაძე: რუსულმა რეჟიმმა, აღდგომა დღეს, ჩემთან სახლში, სადაც ჩემი მცირეწლოვანი შვილები იყვნენ, მოგვიგზავნა "ტიტუშკები" და ზონდერები ირაკლი ეძგვერაძე: რუსულმა რეჟიმმა, აღდგომა დღეს, ჩემთან სახლში, სადაც ჩემი მცირეწლოვანი შვილები იყვნენ, მოგვიგზავნა "ტიტუშკები" და ზონდერები
-
გადახედვაფანები Met Gala-ს ფოტოგრაფებს Stray Kids-ის მიმართ უხეშ მოპყრობაში ადანაშაულებენ ფანები Met Gala-ს ფოტოგრაფებს Stray Kids-ის მიმართ უხეშ მოპყრობაში ადანაშაულებენ
-
-
-
გადახედვა"ვგმობთ აქტივისტებზე და მედიის წარმომადგენლებზე ძალადობას და მოვითხოვთ რეაგირებას!" — ეროვნული პლატფორმა "ვგმობთ აქტივისტებზე და მედიის წარმომადგენლებზე ძალადობას და მოვითხოვთ რეაგირებას!" — ეროვნული პლატფორმა
-
გადახედვაჩვენი მეცნიერება და განათლება დაბრუნდება 90-იანებში — ნანა დიხამინჯია რუსულ კანონზე ჩვენი მეცნიერება და განათლება დაბრუნდება 90-იანებში — ნანა დიხამინჯია რუსულ კანონზე
-
გადახედვაკულტურის სამინისტრო "არილს" აღარ დააფინანსებს — ჟურნალის გამოცემა წყდება კულტურის სამინისტრო "არილს" აღარ დააფინანსებს — ჟურნალის გამოცემა წყდება
-
გადახედვაჟურნალი არილი: გამოცემა, ამ ეტაპზე, სამწუხაროდ, წყდება! თეა წულუკიანმა თავისი რეპრესიული პოლიტიკა არილისთვის დაფინანსების შეწყვეტით გააგრძელა ჟურნალი არილი: გამოცემა, ამ ეტაპზე, სამწუხაროდ, წყდება! თეა წულუკიანმა თავისი რეპრესიული პოლიტიკა არილისთვის დაფინანსების შეწყვეტით გააგრძელა
-
გადახედვაღია მმართველობის პარტნიორობა (OGP) საქართველოს რუსული კანონის გაწვევისკენ მოუწოდებს — განცხადება ღია მმართველობის პარტნიორობა (OGP) საქართველოს რუსული კანონის გაწვევისკენ მოუწოდებს — განცხადება
-
-
-
გადახედვანეტფლიქსმა სერიალ Wednesday-ის მე-2 სეზონის გადაღებები დაიწყო ნეტფლიქსმა სერიალ Wednesday-ის მე-2 სეზონის გადაღებები დაიწყო
-
გადახედვასუს-მა რუსული კანონის საწინააღმდეგო მშვიდობიანი დემონსტრაციების შესახებ განცხადება გაავრცელა სუს-მა რუსული კანონის საწინააღმდეგო მშვიდობიანი დემონსტრაციების შესახებ განცხადება გაავრცელა
-
გადახედვაპაპუაშვილი: ადამიანები რასაც ერიდებიან საჯარო განცხადებებში, იმას არ ერიდებიან კერძო საუბრებში... მნიშვნელოვანია, ეს ადამიანებიც დაფიქრდნენ პაპუაშვილი: ადამიანები რასაც ერიდებიან საჯარო განცხადებებში, იმას არ ერიდებიან კერძო საუბრებში... მნიშვნელოვანია, ეს ადამიანებიც დაფიქრდნენ
-
გადახედვაქართული ოცნება შექმნის ბაზას, სადაც განათავსებენ ინფორმაციას მათზე, ვინც სოციალურ ქსელებში მთავრობისთვის მიუღებელ ინფორმაციას იწონებს ქართული ოცნება შექმნის ბაზას, სადაც განათავსებენ ინფორმაციას მათზე, ვინც სოციალურ ქსელებში მთავრობისთვის მიუღებელ ინფორმაციას იწონებს
-
გადახედვანახეთ: მეცნიერებმა მდედრი ნეანდერტალელის სახე აღადგინეს ნახეთ: მეცნიერებმა მდედრი ნეანდერტალელის სახე აღადგინეს
კომენტარები