სამოქალაქო აქტივისტი ბაია პატარაია იმყოფება რუსთავი 2–ის მხარდამჭერ აქციაზე, რომელიც ამ წუთებშიც მიმდინარეობს თბილისში, რუსთაველის გამზირზე. პატარაიამ O.ge-სთან იმ მიზეზებზე ისაუბრა, რის გამოც მხარს უჭერს რუსთავი 2–ს:

"მედიის თავისუფლება და ფართომასშტაბიანი შეტევა უკვე კარგა ხანია მიდის. რუსთავი 2 არ არის პირველი ტელევიზია, რომელსაც ბიძინა ივანიშვილი მიადგა. საზოგადოებრივ მაუწყებელზე მიმდინარე მოვლენები ძალიან შემაშფოთებელია. თუ რუსთავი 2–ს შეეცვლება მფლობელი, რაც გამოიწვევს მისი სარედაქციო პოლიტიკის შეცვლასაც, ეს ნიშნავს, რომ ჩვენთან მედია პლურალიზმი და მედია მრავალფეროვნება გაქრება. ეს სავალალო იქნება ქართული ახალგაზრდა დემოკრატიისთვის".