რუსთავი 2–ის თანამშრომლები და ტელეარხის მხარდამჭერები იკრიბებიან ამ წუთებში თბილისში, რუსთაველის გამზირზე, ძველი პარლამენტის მიმდებარე ტერიტორიაზე.

ფოტო: გელა ბოჩიკაშვილი/On.ge

ადგილზე დამონტაჟებულია სცენა, მონიტორები. ჩართულია ჯგუფის, გამოუვალი მდგომარეობა, სიმღერები. მოქალაქეებს თან აქვთ დროშები, რომელზეც გამოსახულია რუსთავი 2–ის დროშები. აქციის დაწყება დაანონსებულია სამის ნახევარზე.

ნაციონალური მოძრაობის აქტივისტები ამ წუთებში ვარდების მოედნიდან მიემართებიან პარლამენტისკენ. რუსთაველის გამზირზე შეწყვეტილია საავტომობილო მოძრაობა.

მთავრობის კანცელარიასთან იკრიბებიან მოძრაობა ევროპული საქართველოს წევრები და მხარდამჭერები, რომლებიც სწორედ აქედან შეურთდებიან რუსთავი 2–ის მხარდამჭერ აქციას.

ფოტო: გელა ბოჩიკაშვილი/On.ge

ფოტო: გელა ბოჩიკაშვილი/On.ge

რუსთავი 2–ის მხარდასაჭერად მოქალაქეები ჩამოდიან საქართველოს სხვადასხვა რეგიონიდან. On.ge შემოგთავაზებთ პირდაპირ ვიდეო რეპორტაჟს ჩვენს ფეისბუკ გვერდსა და ასევე, ჩვენს ვებგვერდზე.