სამართალდამცავებმა მთავრობის კანცელარიის წინ გაშლილი კარავი აიღეს. გურამ გოგიშვილი, რომელიც მთავრობის მიერ დაწესებულ რეგულაციებს აპროტესტებს, ამბობს, რომ პოლიციამ მათ კარავი უკანონოდ წაართვა.

"უკანონოდ მოგვპარეს კარავი. კანონით ადმინისტრაციული შენობიდან 20 მეტრის იქეთ კარვის გაშლის უფლება გვქონდა, მაგრამ აიღეს და წაიღეს. პროტესტის უფლება კონსტიტუციით გვაქვს გარანტირებული. შესაბამისად, კონსტიტუციაც დაარღვიეს. ჩვენ არ გადავაადგილდებით, ჩვენ უბრალოდ ვდგავართ", — ამბობს ის.

ასევე, დააჯარიმეს მოქალაქე, რომელის ამბობს, რომ გადაადგილებაზე ნებართვა ჰქონდა.

გადაადგილების შეზღუდვა, ანუ ე.წ. კომენდანტის საათი ქვეყანაში 5 თვეზე მეტია მოქმედებს.

გადაადგილების შეზღუდვა ვირუსის პირველი ტალღის დროსაც მოქმედებდა, როცა ქვეყანაში კარანტინი გამოცხადდა, თუმცა, ის მხოლოდ 53 დღე გრძელდებოდა. მაშინ კომენდანტის საათი 30 მარტს დაწესდა და 21:00 საათიდან 06:00 საათამდე გრძელდებოდა. 23 მაისს კი საგანგებო მდგომარების გაუქმებასთან ერთად, კომენდანტი მოიხსნა.