თბილისში, საბურთალოზე სამარშუტო ხაზზე მოძრავი მიკროავტობუსი ავარიაში მოყვა და გადაბრუნდა. შემთხვევის ადგილზე მისულები არიან საპატრულო პოლიციისა და სასწრაფო დახმარების თანამშრომლები. ავტოსაგზაო შემთხვევა რამდენიმე წუთის წინ მოხდა.

შსს-ს პრესსამსახურის ინფორმაციით, არცერთი მგზავრი მძიმედ არ დაშავებულა. უწყებაში სხვა დეტალებზე არ საუბრობენ. თბილისის მიკროავტობუსში კი აცხადებენ, რომ ადგილზე იმყოფებიან მათი მონიტორინგის სამსახურის თანამშრომლები.