არტურ პენის მიერ 1967 წელს გადაღებული ფილმი ბონი და კლაიდი, რომელიც დიდი დეპრესიის პერიოდის მძარცველების, ბონისა და კლაიდის ცხოვრებას აღწერს, წელს 50 წლის ხდება.

ამ თარიღის აღსანიშნავად ამერიკის კინოაკადემიამ გადაწყვიტა მთავარი როლის შემსრულებლები, უორენ ბიტი და ფეი დანაუეი ოსკარის ცერემონიალზე მიიწვიოს ყველაზე პრესტიჟული ნომინაციის, საუკეთესო ფილმის წარსადგენად.

ფოტო: უორენ ბიტი და ფეი დანაუეი

შეგახსენებთ, რომ ამერიკის კინოაკადემიის უმაღლესი ჯილდოს ოსკარის გადაცემის ცერემონია ტელეკომპანია GDS-ზე 26 თებერვალს, ღამის ორ საათზე დაიწყება.