აშშ-ს ყოფილი ელჩი საქართველოში, იან კელი ამბობს, რომ NATO-ს სჭირდება საქართველო, ოღონდ პლურალისტური პარლამენტით და დამოუკიდებელი სასამართლოთი. ამის შესახებ ის ტვიტერზე წერს.

"NATO-ს სჭირდება საქართველო — საქართველო პლურალისტული პარლამენტით, დამოუკიდებელი სასამართლო სისტემით და მთავრობით, რომელიც ანგარიშვალდებულია ამ ორის წინაშე. საქართველოს ყველა მეგობარმა მხარი უნდა დაუჭიროს მათ, ვინც ამაზე მუშაობს", — წერს ყოფილი ელჩი.

NATO-ს დაარსების დღესთან დაკავშირებით პრემიერმინისტრმა, ირაკლი ღარიბაშვილმა განაცხადა, რომ საქართველო მზადაა გაიზიაროს კოლექტიური თავდაცვის პასუხისმგებლობა. მისივე სიტყვებით, NATO-ს ისევე სჭირდება საქართველო, როგორც ჩვენ გვჭირდება იგი.