უკრაინისა და აშშ-ს პრეზიდენტებს შორის პირველი სატელეფონო საუბარი გაიმართა. როგორც ვოლოდიმირ ზელენსკი ამბობს, მათ დონბასის ვითარება დეტალურად განიხილეს.

"პრეზიდენტმა ბაიდენმა დამარწმუნა, რომ უკრაინა არასდროს დარჩება რუსეთის აგრესიასთან მარტო", — აცხადებს ზელენსკი.

30 მარტს უკრაინის შეიარაღებული ძალების მთავარდარსალმა განაცხადა, რომ რუსეთმა საზღვართან და ოკუპირებულ ტერიტორიებზე ბატალიონების მობილიზება მოახდინა, რამაც ქვეყნის უსაფრთხოებას საფრთხეს უქმნის.

ვითარება შეაფასეს პენტაგონში და რუსეთის ქმედებები დაგმეს. როგორც პენტაგონის პრესსპიკერმა განაცხადა, აშშ ამ საკითხზე NATO-ს მოკავშირეებს ესაუბრება.

ამასთან, Reuters-ის წყაროს ინფორმაციით, რუსული ჯარის მობილიზების გამო NATO-წევრი ქვეყნების ელჩები საგანგებოდ შეიკრიბნენ.

სატელეფონო საუბარი შედგა აშშ-ს და უკრაინის თავდაცვის მინისტრებს შორის. ლოიდ ოსტინმა უკრაინელ კოლეგას, ანდრეი ტარანს დაუდასტურა მხარდაჭერა და დაგმო რუსული პროვოკაცია. გარდა ამისა, მან განაცხადა, რომ ესკალაციის შემთხვევაში აშშ უკრაინას არ მიატოვებს.