ქართული ოცნების დეპუტატის, მამუკა მდინარაძის განცხადებით, როცა "მამისტოლა კაცს" აგინებ და "მონას" ეძახი პროტესზე, რომელსაც სათავეში "ფსბ-ს აგენტურა უდგას", ეს ყველაფერი "მართლა ძნელი მოსათმენია".

"არ მგონია, რომ "რა კარგი რამ გავაკეთე" თავად გიამ თქვას, თუმცა მეორე მხარეც აქვს ამ ყველაფერს, ნამდვილად არ ვცდილობ რამის გამართლებას, მაგრამ, როცა მამისტოლა კაცს აგინებ და აღარ მინდა ახლა დეტალებში ჩასვლა, მონას ეძახი და ამ დროს შენი პროტესტი დაგეგმილია და სათავეში უდგას ფსბ-ს აგენტურა, შეიძლება, შენ გულწრფელიც კი იყო, ამ შემთხვევაში, მაგრამ დაორგანიზებულია ეს ყველაფერი ფსბ-ს აგენტურის მიერ და რუსული საქმისმკეთებელი ხალხის მიერ, მართლა ძნელი მოსათმენია, თუმცა ამართლებს თუ არა, ეს მეორე საკითხია ამ ყველაფრის", — თქვა მან.

დღეს, 2 აპრილს ქართული ოცნების დეპუტატმა, გია ვოლსკიმ აქტივისტებს უხამსი შინაარსის გამომხატველი ჟესტი უჩვენა. ვოლსკი მმართველ პარტიაში ჩანიშნულ უმრავლესობის სხდომაზე მივიდა, რა დროსაც აქტივისტები მას შეძახილით — "მონა" დახვდნენ. სწორედ ამის შემდეგ გააკეთა უხამსი ჟესტი აქციის მონაწილეების მიმართულებით ქართული ოცნების ერთ-ერთმა ლიდერმა.