პირველ აპრილს TikTok-ზე ლეგენდარული როკ-ჯგუფის, Radiohead-ის დებიუტი შედგა. თუ გგონიათ, რომ ჯგუფის წევრები რომელიმე სახალისო ცეკვას ან გამოწვევას ასრულებენ, რა თქმა უნდა, ცდებით. ჯგუფი პლატფორმაზე გულშემატკივრების წინაშე უცნაური ვიდეოთი წარსდგა.

@radiohead

♬ original sound - Radiohead

ვიდეოში გამოგონილ პერსონაჟს, სახელად Chieftain Mews გულშემატკივრებისთვის ახალი ამბების რუბრიკა მიჰყავს. ვიდეოში ჯგუფის ერთ-ერთი ჰიტი, Paranoid Android ისმის. კადრს მიღმა უცნობი ადამიანი პერსონაჟს საუბრისკენ უბიძგებს. Chieftain Mews მაყურებლებს გამოფხიზლებისკენ მოუწოდებს და შემდეგ ბედნიერ დღეს უსურვებს.

ზოგიერთი ფანი მიიჩნევს, რომ აღნიშნული ვიდეო იმის ნიშანია, რომ ჯგუფი ახალი სიმღერის გამოსაშვებად ემზადება, საზოგადოების მეორე ნაწილი კი ვიდეოს უბრალოდ საპირველაპრილო ხუმრობად თვლის. აღსანიშნავია, რომ 1 წლის წინ Radiohead-ის გიტარისტმა, ედ ო'ბრაიენმა NME-სთან საუბარში განაცხადა, რომ ახალი ალბომი აუცილებლად გამოვიდოდა.