პრემიერმინისტრი ირაკლი ღარიბაშვილის განცხადებით, საქართველოს წინააღმდეგ ჰიბრიდული ენერგეტიკული ომის ნიშნები იკვეთება. ამის შესახებ მან ნამახვანჰესის მნიშვნელობაზე საუბრისას განაცხადა. მისი თქმით, ნამახვანჰესთან დაკავშირებული აჟიოტაჟი "აბსოლუტურად გაუგებარია".

"დღეს ჩვენ ვხედავთ გამოკვეთილ ნიშნებს, პირდაპირ ვიტყოდი, ჰიბრიდული ენერგეტიკული ომის ნიშნებს ჩვენი ქვეყნის წინააღმდეგ. ჩვენი ქვეყნის ენერგოდამოუკიდებლობა პირდაპირ არის დაკავშირებული ჩვენი ქვეყნის დამოუკიდებლობასთან. ყველაფრის იმპორტი მიმდინარეობს, მათ შორის იმპორტირებული ელექტროენერგიის წილი გავზარდეთ. ყოველწლიურად იზრდება მოხმარება, იმპორტიც იზრდება", — აღნიშნა პრემიერმინისტრმა.

ღარიბაშვილის თქმით, მნიშვნელოვანია, ქვეყანაში ჰესების მშენებლობა წახალისდეს.