მთავრობის ადმინისტრაციის ყოფილი ხელმძღვანელი, ნათია მეზვრიშვილი ნიკა მელიას საქმესთან დაკავშირებით აცხადებს, რომ შესაძლებელი იყო ბრალდებულის აღკვეთის ღონისძიების გარეშე დატოვება.

"მე ვთვლიდი, რომ შეეძლოთ შესაბამის ორგანოებს და დღესაც ასე ვთვლი, კანონი სხვაგვარად განემარტათ და ჩვენ თავიდან აგვეცილებინა ის პროცესები, რაც მივიღეთ და თავიდან აგვეცილებინა ის დამაზიანებელი პროცესები ქვეყნისთვის, მე ასე ვიტყოდი, რომელიც ერთი ბრალდებულის მიმართ არსებულ სისხლის სამართლის საქმეს მოჰყვა. შეიძლებოდა საერთოდ აღკვეთის ღონისძიების გარეშე ბრალდებულის დატოვება და ამისი ბერკეტები, მე ვთვლი, რომ მართლმსაჯულების ორგანოებს ჰქონდათ და ამისი შესაძლებლობა, მე ვთვლი, რომ დღესაც არსებობს", — განაცხადა მეზვრიშვილმა TV პირველი ეთერში.

მეზვრიშვილმა ყოფილ პრემიერმინისტრმა, გიორგი გახარიამ გადადგომით პასუხისმგებლიანი და სახელმწიფოებრივად სწორი ნაბიჯი გადადგა.