პარტია ევროპოული საქართველოს ცნობით, დღეს 11:30 საათზე, საქართველოს გენერალურ პროკურატურაში, მოსამართლე ნატა ნაზღაიძის საქმესთან დაკავშირებით, პარტიის წევრი ირაკლი აბესაძე გამოკითხვაზე დაიბარეს.

ტელეკომპანია რუსთავი 2-ის გადაცემა პოსკრიპტუმში გავიდა რეპორტაჟი, რომელშიც საუბარია იმაზე, რომ რუსთავი 2-ის საქმის მოსამართლე ნატა ნაზღაიძეს ძმამ ბიუჯეტიდან 1 მილიონი ლარი მიიღო. აბესაძემ მთავარ პროკურატურას მიმართა, რათა სააპელაციო სასამართლოს მოსამართლის, ნატა ნაზღაიძის ოჯახის წევრისთვის, სახელმწიფო ბიუჯეტიდან თანხის გადარიცხვის საკითხზე გამოძიება დაეწყო.