საქართველოს ნავთობისა და გაზის კორპორაცია 2017 წელს 10 ახალ ავტომობილს ყიდულობს. ელექტრონული ტენდერი აუქციონის გარეშე 10 თებერვალს გამოცხადა და 6 მარტს სრულდება.

შესყიდვის სავარაუდო ღირებულებაა 735 355 ლარი. ამ თანხად გამარჯვებულმა კომპანიამ შემსყიდველს 10 ცალი პიკაპის ტიპის ავტომობილი და 5 ცალი საბარგულის/ბორტის სახურავი (მონტაჟით) უნდა მიაწოდოს.

მომსახურების გაწევაზე წინადადებების მიღება პირველ მარტს იწყება. შესაბამისად, ამ დრომდე განაცხადი არავის გაუკეთებია.

უწყებამ 2016 წლის 10 ნოემბერსაც იყიდა იგივე ტიპის ექვსი ავტომობილი და მასში 408 702 ლარი გადაიხადა. შესყიდვა ახლანდელის მსგავსად ელექტრონული ტენდერით აუქციონის გარეშე ჩატარდა.

კორპორაციის აქციების 100 პროცენტს სს საპარტნიორო ფონდი ფლობს, რომელიც სახელმწიფოს ეკუთვნის. კომპანიის მართვის უფლება მინიჭებული აქვს საქართველოს ენერგეტიკის სამინისტროს.