საქართველოს საკონსტიტუციო სასამართლო ტოიოტას მარკის სამი ახალ ავტომობილში 300 268 ლარს იხდის. გამარტივებული წესით მომსახურების შესაძენად სასამართლომ ხელშეკრულება შპს ტოიოტა ცენტრ თეგეტასთან მიმდინარე წლის 2 თებერვალს გააფორმა.

ხელშეკრულებით ირკვევა, რომ ჩასანაცვლებელი 3 ავტომობილიდან ერთ-ერთი Toyota Land Cruiser 200 (2008 წელი) ამავე მოდელის ავტომობილით იცვლება, დარჩენილი Hyundai IX 35 (2011 წელი) და Toyota Rav-4 (2004 წელი) კი - Toyota Camry-ით. მომსახურების მისაღებად, სასამართლო ფულადი სახით 221 768 ლარს იხდის, დარჩენილ 78 500 ლარის კი ჩასანაცვლებელი ავტომობილებით ფარავს.

საკონსტიტუციო სასამართლოს Toyota Land Cruiser 200-ის შეძენა 176 150 ლარი უჯდება, Toyota Camry-ს კი, თითქმის მესამედი - 62 059 ლარი ღირს. ხელშეკრულების მიხედვით, ეს ავტომობილები სასამართლოს 15 თებერვლამდე უნდა მიაწოდონ. შესყიდვების სააგენტოს მონაცემებით, სასამართლოს უკვე გადახდილი აქვს 221 768 ლარი.

საკონსტიტუციო სასამართლომ 2 თვის წინ, 2016 წლის 1 დეკემბერს ორი ახალი, Toyota Rav4 prestige შეიძინა. ხელშეკრულების ღირებულება 139 700 ლარი იყო.