კარიერული ზრდისთვის ყოველთვის მნიშნელოვანია იცნობდეთ სფეროს თანამედროვე ტენდენციებს და ვითარდებოდეთ ამ მიმართულებით. სწორედ შესაბამისი სერტიფიკატების მიღება გაძლევთ საშუალებას, რომ დაგეგმოთ თქვენი წარმატების გზა და გაიმყაროთ ცოდნა კონკრეტულ საქმეში.

ფინანსების სფეროში პროფესიონალებისთვის არსებობს მრავალი მნიშვნელოვანი სერტიფიკატი, რომლებიც ხელს უწყობს ინდივიდუალური გამოცდილების მიღებასა და ცოდნის განმტკიცებას.

ამ სტატიაში გაეცნობით ერთ-ერთ ყველაზე პრესტიჟულ და მოთხოვნად, CFA Institute-ის, იგივე სერტიფიცირებულ ფინანსურ ანალიტიკოსთა ინსტიტუტის, პროგრამას.

CFA-Chartered Financial Analyst

CFA Institute, იგივე სერტიფიცირებულ ფინანსურ ანალიტიკოსთა ინსტიტუტი, ინვესტიციების პროფესიონალთა გლობალური ასოციაციაა, რომელსაც ჰყავს 170 000-ზე მეტი წევრი 164 ქვეყანასა და რეგიონში, მათ შორის 165 000 CFA-ის სერტიფიკატის მფლობელი (Charterholder) და 156 ადგილობრივი გაერთიანება.

CFA Charter-ის 4 უპირატესობა

1. CFA-ის წოდება პრესტიჟული და გლობალურად აღიარებულია;
2. უკეთესი სამუშაო პერსპექტივები;
3. კარიერული წინსვლის შესაძლებლობები;
4. საერთაშორისო დონის ცოდნისა და რეალური გამოცდილების მიღება.

CFA პროგრამა 3 გამოცდისგან შედგება: CFA I დონე, II დონე და III დონე. იმისთვის, რომ CFA-ს charter-ის მფლობელი გახდეთ, როგორც კანდიდატმა უნდა გაიაროთ შემდეგი 4 საფეხური:

1. ჩააბაროთ CFA-ის გამოცდის სამივე საფეხური;
2. შეიძინოთ შესაბამისი სამუშაო გამოცდილება პროგრამის დაწყებამდე, პროგრამის განმავლობაში ან მის შემდეგ;
3. წარადგინოთ 2-3 სარეკომენდაციო წერილი;
4. შეიტანოთ განაცხადი CFA ინსტიტუტის წევრობაზე.

CFA-ის ხარისხი განკუთვნილია მათთვის, ვინც დაინტერესებულია ისეთი მიმართულებებით, როგორებიცაა: ფინანსები, ბუღალტერია, ეკონომიკა ან ბიზნესი. კერძოდ, CFA-ის ხარისხის მფლობელები (Charterholders) კვალიფიცირებულნი არიან მმართველობითი და აღმასრულებელი თანამდებობებისთვის ფინანსებში, ინვესტიციების მენეჯმენტში, რისკების მენეჯმენტში, აქტივების მენეჯმენტსა და სხვა.

ამ ხარისხის მოპოვება და გამოცდებისთვის მომზადება ნამდვილად არ არის იოლი საქმე, რადგან ის არა მხოლოდ საგნის ცოდნას, არამედ თქვენს გამძლეობას, მონდომებასა და ნებისყოფას ამოწმებს.

პირველი დონის CFA-ის გამოცდისთვის მოსამზადებელი კურსი 2 აგვისტოდან იწყება BDO Academy-ში, სადაც საშუალოდ 4 თვეში ინტენსიური და ინტერაქტიული ტრენინგების მეშვეობით, შეისწავლით შემდეგ საკითხებს:

• Ethics
• Quantitative Methods
• Economics
• Financial Reporting and Analysis
• Corporate Finance
• Equity Investments
• Fixed Income
• Derivative Investments
• Alternative Investments
• Portfolio Management

CFA Level 1-ის გამოცდა 2021 წლიდან კომპიუტერიზებული ფორმატით ტარდება CFA Institute-ის მიერ წინასწარ განსაზღვრულ ტესტ-ცენტრებში. გამოცდა ორ სესიად არის დაყოფილი - თითოეულის ხანგრძლივობა 2 საათსა და 15 წუთს შეადგენს და 90 ტესტურ დავალებას (multiple choice questions) აერთიანებს.

CFA-ის გამოცდების შესახებ დამატებითი ინფორმაცია შეგიძლიათ იხილოთ
Cfainstitute.org-ზე.