საპატრიარქომ გუშინ პირველი განცხადება გაავრცელა დეკანოზ გიორგი მამალაძის დაკავების საქმეზე. როგორც პატრიარქის მდივანმა მიქაელ ბოტკოველმა TV პირველის ეთერში განაცხადა, მათ პროკურატურის მიერ გასაჯაროებული ინფორმაცია მეტის თქმის საშუალებას არ აძლევს:

"ასეთი უმძიმესი ბრალდების წაყენების შემთხვევაში, ვფიქრობ, რომ, და მინდა ვთხოვო საგამოძიებო სტრუქტურებს, რომ, ცოტა მეტად დააკონკრეტონ რამდენიმე საკითხი, თუ ამის საშუალება იქნება, რადგან საზოგადოებაში აშკარად არსებობს აზრთა სხვადასხვაობები ამ საკითხებთან მიმართებაში და უმჯობესი იქნებოდა, რადგანაც არსებობს მაღალი საზოგადოებრივი ინტერესი ამ საკითხთან მიმართებაში, ცოტა უფრო ნათელი გახდეს ამ ბრალდების შინაარსი, რომ ადამიანები არ უნდა იყვნენ ასეთ გაორებულ მდგომარეობაში".

ბოტკოველის თქმით, საპატრიარქოს და კონკრეტულად მას, იმაზე მეტი ინფორმაცია არ მიუღია, რაც პროკურატურის მიერ გამართულ ბრიფინგზე გაჟღერდა.

პატრიარქის მდივანი აცხადებს, რომ საპატრიარქოს ოფიციალური წარმომადგენლობიდან საქართველოში მხოლოდ ის იმყოფება, რადგან სხვა პირები ბერლინში არიან, ილია მეორესთან ერად, რომელმაც გუშინ ოპერაცია გაიკეთა.