შინაგან საქმეთა სამინისტროს ინფორმაციით, საგარეჯოს მუნიციპალიტეტში ერთი ადამიანი დააკავეს, რომელიც ქვეითად მოსიარულე თანასოფლელს ტრაქტორით შეეჯახა და მიიმალა. შსს-ს ცნობით, ქვეითი ადგილზე გარდაიცვალა.

გამოძიება სისხლის სამართლის კოდექსის 276-ე მუხლის მე-6 ნაწილით მიმდინარეობს, რაც ტრანსპორტის მოძრაობის უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია. დანაშაული 4-დან 7 წლამდე ვადით თავისუფლების აღკვეთას ითვალისწინებს.