14 წლის გოგოსთან სქესობრივი კავშირისთვის ბრალდებულს აღკვეთის ღონისძიება გირაო, პატიმრობით შეეცვალა.

რამდენიმე დღის წინ თელავის რაიონულმა სასამართლომ ბრალდებულ კაცს 15 ათასი ლარის ოდენობის გირაო შეუფარდა, რაც შემდგომში პროკურატურამ გაასაჩივრა. სააპელაციო სასამართლომ კი ამ უკანასკნელის სარჩელი დააკმაყოფილა.

გამოძიების ინფორმაციით, 2020 წლის ოქტომბერში ბრალდებულმა წინასწარი შეცნობით 14 წლის არასრულწლოვან გოგონასთან სექსუალური კავშირი რამდენჯერმე დაამყარა. ამავე საქმეზე ოჯახის წევრის მიმართ განხორციელებული ძალადობის ბრალდებით 12 მარტს გოგოს ძმა დააკავეს. გამოძიებით ვერსიით, ძმა არასრულწლოვან დას სისტემატიურად აყენებდა ფიზიკურ და სიტყვიერ შეურაცხყოფას, რადგან დაზარალებული ხვდებოდა მასზე ბევრად უფროს და დაოჯახებულ კაცს. ოჯახში ძალადობისთვის ბრალდებულს პატიმრობა შეეფარდა.