ქართული ოცნების ერთ-ერთი ლიდერის, მამუკა მდინარაძის განცხადებით, კიდევ ერთხელ დაესვა ბეჭედი იმას, რომ არჩევნების ლეგიტიმაციის საკითხის ეჭვქვეშ დაყენება აღარავის შეუძლია.

"კიდევ ერთხელ დაესვა ბეჭედი და მორიგ ჯერზე იმას, რომ არჩევნების ლეგიტიმაციის საკითხის ეჭვქვეშ დაყენება აღარავის შეუძლია, კიდევ ერთხელ. IRI-ს დასკვნამ ეს აჩვენა ეუთო/ოდირის საბოლოო დასკვნამ ეს აჩვენა, განცხადებებმა ასეთი მაღალი ტრიბუნიდან ეს აჩვენა, თუმცა სიჯიუტეს რადიკალური ოპოზიციის საზღვარი არ აქვს, მაინც იმეორებენ იგივეს, მაგრამ არანაირი ნიშნის მოგება აქ ჩვენს პათოსში ნამდვილად არ არის და არც ინტერესშია იმიტომ, რომ ჩვენ ვსაუბრობთ ოპოზიციასთან. რაც არ უნდა არარეალურ მესიჯებს ახმოვანებდნენ, ჩვენ მათთან ვსაუბრობთ და გვინდა დავარწმუნოთ ყველა, რომ მიუხედავად იმისა რა განცხადებები კეთდება, ჩვენ მზად ვართ ვილაპარაკოთ ყველაფერზე მოლაპარაკების მაგიდასთან და ხვალინდელ დღეს გარკვეული საზღვრები ჰქონდეს ჩვენი შეთანხმების სახით", — განაცხადა მდინარაძემ.

16 მარტს საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა ჟოზეფ ბორელმა თქვა, რომ "მისი გადასაწყვეტი არაა", ჩატარდება თუ არა საქართველოში ახალი საპარლამენტო არჩევნები.