"ახლა ჩვენ ვართ აქ 90 ცალი მუთაქა, მაგრამ მე მგლობის თქვენ ვერაფერი ვერ შეგატყვეთ", — ასე მიმართა ქართული ოცნების დეპუტატმა, თეა წულუკიანმა მოქალაქეების ლიდერს, ალეკო ელისაშვილს პარლამენტში პლენარულ სხდომაზე.

წულუკიანმა ელისაშვილის მიერ გასული წლის დეკემბერში გაკეთებული განცხადება გაიხსენა.

"პარლამენტში შემოსვლამდე თქვენ თქვით, რომ პარლამენტში დევს 90 ცალი მუთაქა ქართული ოცნებიდან, ეს ჩვენ ვართ, ძვირფასო კოლეგებო, მუთაქები და 60 მგელი რომ შევალთ იქ, ნახეთ რას დავატრიალებთ. ეს ხომ თქვენი სიტყვებია? ახლა ჩვენ ვართ აქ 90 ცალი მუთაქა, მაგრამ მგლობის თქვენ ვერაფერი ვერ შეგატყვეთ. თქვენ არამც თუ არაკომპეტენტური ხართ, როდესაც თვლით, რომ ერთ დეპუტატს საქართველოს საკანონმდებლო ორგანოსი აქვს რაიმე ტიპის უფლება აჭარის ავტონომიური რესპუბლიკის მეთაური ანგარიშვალდებულად აქციოს მის წინაშე, ეს არის ჩვეულებრივი არაკომპეტენტურობა და ძალიან დიდი პატივისცემით მინდა მოგიწოდოთ, რომ თქვენს გვერდით მჯდომ კოლეგას ხანდახან სამართალში რაღაცები დაეკითხეთ ხოლმე", — განაცხადა წულუკიანმა.