უკვე დიდი ხანია, რაც დისნეიმ საკუთარი ანიმაციური ფილმების მხატვრულ ფილმებად გადაღება დაიწყო და ეს საქმე საკმაოდ წარმატებულად გამოსდის.

2020 წლამდე დისნეის დაგეგმილი აქვს საკუთარი 12 ანიმაცია აქციოს მხატვრულ ფილმად, მათ შორის არის 101 დალმატინელის კიდევ ერთი ვერსია, თუმცა ამჯერად ისტორიის ეპიცენტრში უარყოფითი პერსონაჟი კრუელა დე ვილი იქნება.

კრუელას როლი 1996 და 2000 წელს უკვე აქვს შესრულებული ლეგენდარულ მსახიობს გლენ ქლოუზს. 2018 წლის ვერსიაში კი ამ პერსონაჟს ლა ლა ლენდის ვარსკვლავი ემა სტოუნი შეასრულებს.

აღსანიშნავია, რომ ემას ამ როლზე მოწვევა თავად გლენ ქლოუზის იდეა იყო, რომელიც დისნეის გადაწყვეტილებით კრუელას პროდიუსერი იქნება.