პოლონეთის საგარეო საქმეთა სამინისტრომ "ბათუმელებისა" და "ნეტგაზეთის" დამფუძნებელს, მზია ამაღლობელს ლეხ ვალენსას სახელობის სოლიდარობის პრემია მიანიჭა. ინფორმაციას "ბათუმელები" ავრცელებს.

ვარშავაში გამართულ საზეიმო ცერემონიას თავად პოლონეთის ყოფილი პრეზიდენტი, ნობელის პრემიის ლაურეატი ლეხ ვალენსა და ქვეყნის ვიცეპრემიერი, საგარეო საქმეთა მინისტრი რადოსლავ სიკორსკი ესწრებოდნენ. რადგან მზია ამაღლობელი ცერემონიაზე ფიზიკურად არ იმყოფებოდა, ჯილდო "ბათუმელების" წარმომადგენელმა, ირმა დიმიტრაძემ ჩაიბარა.

პოლონელი პოლიტიკოსის სახeლობის ეს პრესტიჟული ჯილდო პოლონეთის საგარეო უწყებამ 2014 წელს დააარსა. ის გადაეცემათ იმ გამორჩეულ აქტივისტებსა და ორგანიზაციებს, რომლებიც გლობალური მასშტაბით დემოკრატიული ფასეულობების, სამოქალაქო თავისუფლებებისა და საერთაშორისო სოლიდარობის იდეის დაცვასა და განმტკიცებას ემსახურებიან.