მერილ სტრიპი რომ ჩვენი დროის ყველაზე ტიტულოვანი მსახიობია, ამაზე მისი ოქროს გლობუსისა და ოსკარის რეკორდული ნომინაციები თუ მიღებული ჯილდოებიც მეტყველებს.

გუშინ კი მის კოლექციას კიდევ ერთი, ამჯერად ადამიანის უფლებების დაცვისთვის მიღებული სპეციალური ჯილდო შეემატა.

"ჩვენ აღარასდროს დავბრუნდებით უკან, ამის პირობას მე ვიძლევი. ახლა არამარტო მე, არამედ ყველას გაორმაგებულად გაცნობიერებული გვაქვს, რომ ჩვენ უნდა დავიცვათ ადმიანის უფლებები. როგორც ჩანს, ეს ღირებულებები ყველასთვის გასაგები არ არის. ჩვენ არავის მივცემთ უფლებას, რომ ჩვენი თავისუფლება შეარყიოს. ადამიანის უფლება უპირველესია", - თქვა მერილ სტრიპმა სიტყვით გამოსვლის დროს.

მსახიობი გამოეხმაურა დონალდ ტრამპის განცხადებასაც, რომელმაც სტრიპს ზედმეტად დაფასებული მსახიობი უწოდა.

"დიახ, შეიძლება ასეთ დაფასებას არ ვიმსახურებ და ზედმეტად ბევრი ჯილდო მაქვს მიღებული, მაგრამ ამიერიდან ჩემი თაობის ყველაზე გალანძღული მსახიობიც ვარ", - იხუმრა სტრიპმა.