"2010-ში თუ ასე იქცეოდნენ, ახლა როგორ იქცევიან წარმოგიდგენიათ?", — ასე ეხმაურება გირჩი — მეტი თავისუფლების ლიდერი, ზურაბ ჯაფარიძე TV პირველის მიერ გავრცელებულ ჩანაწერებს, სადაც, სავარაუდოდ, ირაკლი ღარიბაშვილისა და ბერა ივანიშვილის საუბარი ისმის და კონკრეტული ადამიანების დასჯა განიხილება.

"ღარიბაშვილმა 2010 წელიაო. დავუშვათ.
- 2010-ში თუ ასე იქცეოდნენ, ახლა როგორ იქცევიან წარმოგიდგენიათ?
- ჩუბინიძე თუ ასე იქცევა, ფარცხალაძე როგორ იქცევა წარმოგიდგენიათ?
- ბერას ნათქვამზე თუ ასე იქცევიან, ბიძინას ნათქვამზე რას იზამენ წარმოგიდგენიათ?
- ფეისბუქზე შეურაცხმყოფელ კომენტარზე თუ ასე რეაგირებენ, მათ ძალაუფლებას როცა საფრთხე ემუქრება, მაშინ რაზე არიან წამსვლელები წარმოგიდგენიათ?", — წერს ჯაფარიძე Facebook-ზე.