მოძრაობა სირცხვილიას აქტივისტი, ნოდარ რუხაძე 2 000 ლარით დააჯარიმეს.

"შინაგან საქმეთა სამინისტრომ ნოდარ რუხაძისთვის პატიმრობის შეფარდება მოითხოვა. საბოლოოდ, ის სასამართლომ 2 000 ლარიანი ჯარიმით გამოუშვა. დაკავების ოქმში წერია: ბატონ ირაკლი ღარიბაშვილს, საქართველოს პრემიერ-მინისტრს ეძახა მონა", — წერს სირცხვილია ფეისბუქგვერდზე.

ნოდარ რუხაძე დღეს პარლამენტთან დააკავეს. როგორც On.ge-ს შინაგან საქმეთა სამინისტროში უთხრეს, აქტივისტი ადმინისტრაციულ სამართალდარღვევათა კოდექსის 173-ე მუხლის საფუძველზე დააკავეს.