პრემიერმინისტრი ირაკლი ღარიბაშვილის განცხადებით, ნიკა მელიას დაკავებით ჩვენ გავხდით იმის მომსწრე, სამართლებრივი სახელმწიფო ვართ. გარდა ამისა, მან სპეცოპერაციისთვის შს მინისტრსა და პოლიციას მადლობა გადაუხადა.

"დღეს ჩვენ გავხდით მომსწრე იმისა, რომ ჩვენ ვართ სამართლებრივი სახელმწიფო, რომ ვართ ძლიერი სახელმწიფო, გვყავს ძლიერი პოლიცია, გვყავს ძალიან ეფექტური შინაგან საქმეთა მინისტრი, მინდა მადლობა გადავუხადო ბატონ გომელაურს ჩვენი მთავრობის სახელით იმისთვის, რომ მათ დაიცვეს ჩვენი სახელწიფოს ღირსება, ჩვენი სახელმწიფოს სტაბილურობა და კიდევ ერთხელ შევახსენებთ, რომ ჩვენ ვართ სამართლებრივი სახელმწიფო", — განაცხადა ღარიბაშვილმა.

ნიკა მელია სპეცრაზმმა დღეს დილით ოფისში დააკავა. სამართალდამცავები პარტიის შენობაში გამთენიისას გამოჩნდნენ. რამდენიმე საათში მას შემდეგ, რაც ირაკლი ღარიბაშვილი პრემიერმინისტრად აირჩიეს.

სპეცრაზმებელი ოფისში შევიდნენ როგორც სახურავიდან, ისე პირველ სართულზე არსებული შესასვლელებიდან. მათ პირველი სართული გაათავისუფლეს და მოგვიანებით მელიას ოთახს მიადგნენ, სადაც ის ოპოზიციის სხვა ლიდერებთან და მხარდამჭერებთან ერთად იყო გამაგრებული.

პოლიციამ კარების გაღება მოახერხა და იქ მყოფი პირების წინააღმდეგ ცრემლსადენი გაზი გამოიყენა. მალევე კი ნიკა მელიაც დააკავეს.

განვითარებული მოვლენების გამო ოპოზიციამ დღეს სამ საათზე მთავრობის კანცელარიასთან აქცია დააანონსა.