ევროპელი სოციალისტების ერთ-ერთი ლიდერის, დავით ზილფიმიანის განცხადებით, მიხეილ სააკაშვილი რამდენჯერაც ტელევიზიაში გამოჩნდება, იმდენი ნოტა უნდა გაგზავნოს მთავრობამ უკრაინაში.

"9 წლის განმავლობაში ხალხმა 9 წლის წინ უარი უთხრა, კარი გააღო და გაისტუმრა ხელისუფლება. 9 წლის განმავლობაში ვალერიანი არ დატოვეთ აფთიაქში რომ არ მოგესულიერებინათ და ახლა ფანჯრიდან ხტებიან. გავისტუმრე კარებიდან, შემოდიან ფანჯრიდან. გამაგებინეთ, მე რომ ვხელმძღვანელობდე პროცედურებს და აი ამ ოპერაციებს, რასაც ხელმძღვანელობენ ახლა უცხო ქვეყნის მოქალაქეები საქართველოში, აფინანსებენ და პროცესებს მართავენ. მე რომ ვმართავდე პროცესებს უკრაინაში უკაცრავად, ვუხსენებდე დედებს, შვილებს და ცოლებს იმათ პოლიციას, მაინტერესებს იმათი საგარეო სამინისტრო რას იზამდა? ნოტებით არ გაგვავსებდა ყოველ გამოსვლაზე? ყოველ ჩემს გამოსვლაზე არ მივიღებდით ნოტებს? გავიგე რომ პარტნიორია, გავიგე რომ ჩვენი სტრატეგიული მოკავშირეა, მაგრამ ვერ გავიგე, არ არის ჩემი ქვეყნის მოქალაქე და რა გავაკეთოთ? ვიცი რომ რაფინირებული ინტელიგენტია ნამდვილად ჩვენი საგარეო საქმეთა მინისტრი, მომწონს ყველა თავისი თვისებით, მაგრამ არ გვინდა, მგონი, მორიდება, რამდენი ტელევიზორში დაჯდება, იმდენი ნოტა გავაგზავნოთ, აბა რა უნდა ვქნათ?", — განაცხადა მან.