მოქალაქეების ლიდერი, ალეკო ელისაშვილი პრემიერმინისტრობის კანდიდატს, ირაკლი ღარიბაშვილს ეკითხება, როდის შეხვდა ბოლოს ჩვეულებრივ ხალხს, მაგალითად, გასულა თუ არა ნავთლუღის ბაზარში.

"ველოდი თქვენგან კონფრონტაციულ ტონს ოპოზიციასთან მიმართებაში, თქვენ მათ ახლა დესტრუქციული ოპოზიცია უწოდეთ და და ვხედავთ ამ წლების განმავლობაში, რომ თქვენ გულწრფელად, მართლა გულწრფელად ებრძვით, რასაც ვაკვირდები, მართლა გულწრდელად მიგაჩნიათ, რომ პოლიტიკოსის, პრემიერმინისტრის, თუ მინისტრის მთავარი ფუნქციაა, ებრძოდეს ოპოზიციას. რა თქმა უნდა, ეს თქვენი არჩევანია, მაგრამ რადარებიდან უნდა გაგაქროთ, გაგანადგურებთო, გაიძახოდით და ხომ არ ფიქრობთ, რომ ამასობაში რადარებიდან ქრება და ნადგურდება საქართველო, სანამ თქვენ ოპონენტებთან ასეთ დაჟინებულ ბრძოლაში ხართ. [...] ბოლოს როდის ელაპარაკეთ ჩვეულებრივ ხალხს, აი, ნავთლუღის ბაზარში თუ გასულხართ, მაგალითად", — კითხულობს ელისაშვილი.

დღეს პრემიერმინისტრობის კანდიდატი პარლამენტარების კითხვებს პასუხობს. ღარიბაშვილის გუნდს პარლამენტმა ნდობა დღეს უნდა გამოუცხადოს.