პარტია მოქალაქეების ერთი-ერთი ლიდერის, ლევან იოსელიანის განცხადებით, მას მინისტრობის კანდიდატის პროგრამა აინტერესებს, მისი გამოსვლა კი აგრესიული რიტორიკა იყო ერთი პოლიტიკური ჯგუფის მიმართ.

"მე ვერ მოვისმინე საერთოდ პროგრამაზე საუბარი. ძირითადად მოვისმინე პრემიერმინისტრობის კანდიდატის გამოსვლა, რომელიც იყო კონკრეტული პოლიტიკური ჯგუფის მიმართ გამოხატული ზიზღი და ვიღაცების დაჭერის დაანონსება. რამე პროგრამაზე საუბარი საერთოდ არ ყოფილა. ეგ მაინტერესებს, რა პროგრამით არის მოსული, რადგან პროგრამა რომელიც დევს მთავრობის საიტზე, ის პრაქტიკულად ცარიელია და მისი გამოსვლა იყო აგრესიული რიტორიკა ერთი პოლიტიკური ჯგუფის მიმართ. მე სხვა არაფერი არ გამიგია", — განაცხადა იოსელიანმა.

დღეს პარლამენტი ახალ მინისტრთა კაბინეტს და პრემიერმინისტრობის კანდიდატს, ირაკლი ღარიბაშვილს ოფიციალურად დაამტკიცებს. ღარიბაშვილმა 19 თებერვალს ორი ახალი მინისტრი წარადგინა. თავდაცვის მინისტრის პოსტს ჯუანშერ ბურჭულაძე დაიკავებს, ხოლო რეგიონული განვითარების და ინფრასტრუქტურის მინისტრის თანამდებობაზე მაია ცქიტიშვილს მისი მოადგილე, ირაკლი ქარსელაძე შეცვლის.

გაიგეთ მეტი: