იურიდიულ საკითხთა კომიტეტის თავმჯდომარის, ანრი ოხანაშვილის თქმით, მათთვის საქართველოში მყოფი ელჩის პოზიციოები და პარტნიორული თანამშრომლობა უფრო ძვირფასია. აღნიშნულით ის ამერიკის შეერთებული შტატების ყოფილი ელჩის, უილიამ კორტნის განცხადებას გამოეხმაურა.

"ჩვენთვის ბევრად უფრო ძვირფასია საქართველოში მყოფი ელჩის პოზიციები და მასთან პარტნიორული თანამშრომლობა, მისი მხარდაჭერა იმ პროცესების, რომელსაც ქართული ოცნების გუნდი ახორციელებს დემოკრატიის მიმართულებით, ამიტომ ჩვენ ვრჩებით ჩვენი საერთაშორისო პარტნიორებისა და უშუალო პარტნიორების მხარდაჭერის ერთგულნი, ამიტომ ჩვენ ვაგრძელებთ კონკრეტული ქმედებებით გზას დემოკრატიის შემდგომი განვითარებისთვის", — განაცხადა ოხანაშვილმა.

კორტნიმ 19 თებერვალს ამერიკის ხმასთან ინტერვიუში განაცხადა, რომ ღარიბაშვილის პრემიერმინისტრად დაბრუნება ნიშნავს იმას, რო ქართულ ოცნებაში უფრო მეტი რეპუტაციის მქონე ლიდერებს ნაკლებად სურთ ივანიშვილის ბარძანებების შესრულება. მისი თქმით, ღარიბაშვილის უკან დაბრუნება ქართული ოცნების სისუსტის გამოჩენაა, ეს ნიშნავს, რომ პარტიაში კრიზისია, მაგრამ კრიზისია მეორე მხარესაც, ვინაიდან სააკაშვილი ოპოზიციაზე გავლენის შენარჩუნებას ცდილობს, რაც ვნებს როგორც ოპოზიციას, ისე ზოგადად, საქართველოს პოლიტიკას.