საპარლამენტო უმრავლესობის ლიდერი, შალვა პაპუაშვილი აცხადებს, რომ ირაკლი ღარიბაშვილი ის პრემიერმინისტრი იქნება, რომელიც 2024 წელს საქართველოს განაცხადს მოაწერს ხელს ევროკავშირში გაწევრიანებაზე.

"შევახსენებ ჩვენს საზოგადოებას, რომ ირაკლი ღარიბაშვილი არის ის პრემიერმინისტრი, რომლის ხელმოწერაც აქვს საქართველოსა და ევროკავშირს შორის ასოცირების შეთანხმებას 2014 წელს და ირაკლი ღარიბაშვილი იქნება ის პრემიერმინისტრი, რომელიც 2024 წელს ხელს მოაწერს საქართველოს განაცხადს ევროკავშირში გაწევრიანებაზე", — განაცხადა პაპუაშვილმა რუსთავი 2-ის ეთერში.

დღეს, 18 თებერვალს გიორგი გახარიას განცხადებიდან გადადგომის შესახებ რამდენიმე საათში ქართულმა ოცნებამ პრემიერმინისტრობის კანდიდატად ირაკლი ღარიბაშვილი დაასახელა.