გიორგი გახარია ქვეყნის პრემიერმინისტრობიდან გადადგა და როგორც ერთმა ფეისბუქ მომხმარებელმა დაწერა, მასწავლებელი ორი წუთით კლასიდან რო გავა, აი ეგ ხდება ახლა ქვეყანაში.

რადგან პოლიტიკური დღის წესრიგი ასე იცვლება და რაღაცები წარსულში რჩება, შეგვიძლია ჩვენს ცხოვრებაშიც შევიტანოთ ცვლილებები. თანაც, ქართული ტრადიციის მიხედვით, როცა სტუმარს ვაცილებთ, სახლიდან სულ ვატანთ რაღაცას.

ამიტომაც, გთავაზობთ 10 რამეს, რასაც გიორგი გახარიას სიხარულით გავატანდით:

1. კომენდანტის საათი

კი, პირველი ამას გავატანდით ყოფილ პრემიერს, იმიტომ, რომ უკვე აუტანელია!

2. მთლიანად პანდემია

თუმცა, რადგან ოცნებაა, ოცნება იყოს (ჰაჰ) და ბარემ კორონავირუსიც გავატანოთ და ერთმანეთთან ჩახუტება შევძლოთ.

3. ფრაზა: ყველას კარგად უნდა გვესმოდეს, რომ

ყველას კარგად უნდა გვესმოდეს, რომ ამ ფრაზამ თავისი დრო ამოწურა.

4. თვალის ჩაკვრა, როგორც "მაგარი ტიპობის" ჟესტი

რომელი საუკუნეა მართლადამართლა.

5. ტროლები და ბოტები

ბარემ მისი მმართველობისას გააქტიურებული ქართველი ტროლ-ბოტებიც რომ გაეყოლებინა გზად, ძალიან დაგვავალებდა.

6. მეორედ მოსვლები

პრემიერმინისტრები, განათლების მინისტრები, პარტიის ლიდერები... ფლეშბექები და დეჟა ვუები ცხოვრებაშიც გვეყოფა, პოლიტიკაშიც რომ არ დაგვიმატოთ!

7. ბრუტალურ-ძველბიჭური ტონი პოლიტიკაში

ცოტათი სკოლის საშიშ გარემოს რომ გახსენებს, ოღონდ უუფრო მეტად საშიშს.

8. ოფიციალური პირების მხოლოდ გვარიანი ფეიჯები

ერთსახელიანი ფეიჯები მადონას და ბიონსეს უხდებათ, პოლიტიკოსებს — არც ისე.

9. სპოილერები

გახარია წერტილების წესის დაცვის გარეშეც ცდილობდა, არ "დაესპოილერებინა", რა მოხდებოდა პოლიტიკაში. "გინდათ, რომ დაგასპოილეროთ? დაელოდეთ ფინალურ სერიას", — ეს მისი ერთ-ერთი ცნობილი ფრაზაა.

10. მისივე ბიუსტი

ჩვენ მაინც აღარ გვჭირდება და...