განათლების სამინისტროს ინფორმაციით, ორი კვირის განმავლობაში საჯარო და კერძო სკოლებში კორონავირუსის სავალდებულო ტესტირება 46 300 მასწავლებელსა და ადმინისტრაციის თანამშრომელს ჩაუტარდა, ვირუსი 0,5%-ს დაუდასტურდა.

"საქართველოს განათლების, მეცნიერების, კულტურისა და სპორტის სამინისტროს მიერ შემუშავებული რეკომენდაციების საფუძველზე, დაავადების უსიმპტომოდ მიმდინარეობის შემთხვევაში, ინფიცირებულ მასწავლებელთან შეთანხმებით, მისი საგანი დისტანციურ ფორმატში გადადის. გარდა ამისა, საქართველოს მთელ ტერიტორიაზე, სამინისტრო შესაძლებლობას აძლევს რისკჯგუფში მყოფ მასწავლებლებს, შესაბამისი სამედიცინო დასკვნის საფუძველზე, მიმართონ სკოლის ადმინისტრაციას მუშაობის დისტანციურ ფორმატში გაგრძელების თაობაზე", — ნათქვამია განათლების სამინისტროს განცხადებაში.

14 თებერვლის მონაცემებით, საქართველოში კორონავირუსის 357 ახალი შემთხვევა დადასტურდა, გამოჯანმრთელდა 652, ხოლო გარდაიცვალა — 9 ადამიანი.

დღეს ქვეყანაში გამოვლენილი ინფიცირების 357 ახალი შემთხვევა რეგიონების მიხედვით ასე გადანაწილდა:

  • თბილისი — 150;
  • აჭარა — 19;
  • იმერეთი — 49;
  • ქვემო ქართლი — 20;
  • შიდა ქართლი — 27;
  • გურია — 35;
  • სამეგრელო-ზემო სვანეთი — 27;
  • კახეთი — 19;
  • მცხეთა-მთიანეთი — 2;
  • სამცხე-ჯავახეთი — 9;
  • რაჭა ლეჩხუმი და ქვემო სვანეთი — 0.

ბოლო 24 საათში ქვეყნის მასშტაბით ჩატარდა 19 345 კვლევა ტესტით, მათ შორის 12 173 ანტიგენის ტესტით, ხოლო — 7 172 PCR.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 265 557-ს, გამოჯანმრთელდა — 258 093, ხოლო ვირუსს ჯამში ემსხვერპლა 3 352 პირი.

დღიური დადებითობის მაჩვენებელი — 1.85%-ია, ბოლო 14 დღის — 3.06%, ბოლო 7 დღის — 2.6%.

ამ ეტაპზე ინფიცირების მიმდინარე აქტიური შემთხვევა არის 4 086, საიდანაც 1 948 ადამიანი მკურნალობს საავადმყოფოში, 238 ადამიანი მოთავსებულია კლინიკურ-სასტუმროებში, 1 900 პირი ვირუსის მკურნალობის კურსს გადის საცხოვრებელ ბინაზე.

თვითიზოლაციაში იმყოფება 11 979 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: