ქართული ოცნების ერთ-ერთმა ლიდერმა, გია ვოლსკიმ, ჟურნალისტს შეკითხვის პასუხად უთხრა, რომ "ნუ ზონდერობს", ამასთან, კნინობითი სიტყვით მიმართა. ჟურნალისტი მისთვის კითხვის დასმას და პასუხის მიღებას ცდილობდა. მას შემდეგ, რაც კორესპონდენტმა მიმართვის ამგვარი ფორმა გააპროტესტა, ვოსლკიმ უპასუხა, რომ ძალიან "წესიერად" მიმართა.

"ნუ ზონდერობ რა, ახალგაზრდა ბიჭიკო, გაიწიე, რა... წესიერად მოგმართე ძალიან. თქვენმა ტელევიზიამ დღე არ გავა, რომ შეურაცხყოფა არ მომაყენოს, ახლაც რაღაც გამოვიდა, ვიღაც ფულს იღებს, აჩვენებენ შავ-თეთრ იმას, სურათებს, ამიტომ, სურვილი არა მაქვს. თქვენთან ლაპარაკი არ მინდა ცალკე. მელიები ხართ ყველანი და მელაძეები. ხომ ხედავ, ზონდერი ხარ-მეთქი, გეუბნები და არა გჯერა. პარლამენტში მოდი და იქ დაგელაპარაკები", — განაცხადა ვოლსკიმ.

დღეს ჟურნალისტის შეურაცხმყოფლად მიმართა თბილისის მერმა, კახა კალაძემაც. "ახალგაზრდა კაცი ხარ ტო, ცოტა ხო უნდა იაზროვნო", — უთხრა მან მედიის წარმომადგენელს.

ქართული ოცნების ლიდერები დღეს სიონის ტაძარში იმყოფებოდნენ და სწორედ იქ ცდილობდა მედია კითხვებზე პასუხების მიღებას.