გირჩი — მეტი თავისუფლების ლიდერი, ზურაბ ჯაფარიძე პოლიტიკურ დაუმორჩილებლობას აცხადებს და 13 თებერვალს ბარს ხსნის. ბარი "ჯაფარასთან" აღმაშენებლის გამზირზე იქნება.

"ბარის გახსნა არის პოლიტიკური დაუმორჩილებლობის აქტი და მიმართულია კორონა-პანდემიასთან დაკავშირებული შეზღუდვების გაუქმებისკენ. შესაბამისად, ბარი იმუშავებს ღამის საათებშიც ბარი იმუშავებს მხოლოდ "ქეშზე". [...] გეპატიჟებით ყველას ვისაც ყელში ამოგივიდათ ზაზუნასავით გალიაში ყოფნა", — ნათქვამია ბარის გახსნის ფეისბუქივენთში.

ამ ეტაპისთვის ბარ-რესტორნების მუშაობა კვლავ აკრძალულია. რესტორნებისთვის ღია სივრცეში მუშაობა მხოლოდ 15 თებერვლიდან იქნება ნებადართული.

მიუხედავად იმისა, რომ შეზღუდვების ნაწილი იხსნება, სხვადასხვა ბიზნესსექტორის წარმომადგენლები აცხადებენ, რომ ეს არასაკმარისია და მკაცრი რეგულაციების ფარგლებში შეზღიდვების მოხსნას ითხოვენ. აღნიშნული მოთხოვნებით თბილისში არაერთი აქცია ჩატარდა.