დღეიდან, 12 თებერვლიდან, ნატახტარიდან მესტიისა და ამბროლაურის მიმართულებით და პირიქით ფრენები განახლდა. საქართველოს აეროპორტების გაერთიანების ინფორმაციით, რეისები კვირაში ორჯერ შესრულდება.

"ნატახტარიდან მესტიისა და ამბროლაურის აეროპორტებში თებერვალ-მარტში რეგულარული რეისები მცირე ზომის საჰაერო ხომალდით კვირაში ორი სიხშირით შესრულდება. გვსურს აღვნიშნოთ, რომ ამ ხმის განმავლობაში ფრენები არ შეჩერებულა თბილისი-ბათუმის მიმართულებით. თებერვალ-მარტში რეისები აჭარის მიმართულებითაც კვირაში ორი სიხშირით შესრულდება", — ვკითხულობთ აეროპორტების გაერთიანების მიერ გავრცელებულ განცხადებაში.

მგზავრებს, როგორც ტერმინალში, ისე ხომალდზე პირბადის ტარება მოეთხოვებათ.

აეროპორტების გაერთიანებაში აცხადებენ, რომ ქვეყნის შიდა აეროპორტებში, COVID-19-ის გავრცელების თავიდან ასაცილებლად, დაცულია უსაფრთხოების ყველა წესი.

გაიგეთ მეტი: