საქართველოს თავდაცვის სამინისტორომ 300-ზე მეტი სპეციალური საავტომობილო ტექნიკა შეიძინა, მათ შორის, საწვავმზიდები და მაღალი გამავლობის სატვირთო ავტომობილები.

ფოტო: თავდაცვის სამინისტრ

უწყებაში აცხადებენ, რომ ახალი ტექნიკა NATO-ს სტანდარტებს შეესაბამება. გარდა ამისა, იგი სამინისტროს დაუზოგავს ძველი ტექნიკის სარემონტო, ყოველწლიურ ხარჯებს.

"ახალი საავტომობილო საშუალებების შესყიდვა მნიშვნელოვანი გადაწყვეტილებაა ხარჯების ეფექტიანობის თვალსაზრისითაც, რადგან მოძველებული ტექნიკის შენახვა და გარემონტება თავდაცვის ძალებს მხოლოდ ერთი წლის განმავლობაში მილიონობით ლარი უჯდებოდა", — ვკითხულობთ უწყების მიერ გავრცელებულ განცხადებაში.

ფოტო: თავდაცვის სამინისტრო

თავდაცვის სამინისტროში აცხადებენ, რომ სპეციალური ტექნიკით ავტოპარკის განახლება მომავალშიც გაგრძელდება.